■黃子華一出場已獲全場歡呼。香港文匯報訊（記者 李慶全）黃子華26場棟篤笑《金盆??口》前晚首場，子華曾揚言這是最後一次開棟篤笑，就連「仙姐」白雪仙、陳寶珠、劉嘉玲、李嘉欣、古巨基夫婦、蘇永康夫婦、吳鎮宇、鄭中基、鄺美雲及黎耀祥一家三口等都齊來捧場。子華一出場已獲全場歡呼，他搞笑說：「回水冇得傾！除褲冇得傾！冇錯，金盆??口喇，最後喇，有得嗌好嗌喇！」
當播出《阿飛正傳》音樂，子華表示去睇一套戲午夜場就出事：「每個人走出嚟時好似喺毒氣室走出嚟，雙眼發紅，充滿仇恨，點解呢？因為冇人睇得明，睇住幾個大明星自由行。」他又指部戲有齊大卡士大製作，出色的對白是「冇雀嘅腳仔」，拍了4千萬元香港只收900萬元，當時認識好多香港的電影人是很不喜歡王家衛：「我喺度諗，因為咩呢？因為佢蝕大本？唔係吖，小弟都拍咗套叫《一蚊雞保鑣》，好似收咗5位數字咋，但蝕大本都冇人憎我喎，起碼我唔知喺電影圈有人憎我，係我憎自己嘅啫。」
子華又笑指前輩王晶應該不太喜歡王家衛，因為對方找他扮王家衛：「特登搵我嚟刺激佢㗎啦穡鴝鴴A我喺王晶套戲裡面扮王家衛，咁我個名叫乜呢？係叫做『王晶衛』，啲人就話，咁即係王晶想笑王家衛。」
清唱《幻海奇情》粵曲
去到節目尾聲，子華說：「呢個時候我真係好羨慕啲歌星，因為啲歌星唔使講乜嘢，只係唱首歌，巨星收山梗係唱一首歌，當然我哋嘅巨星收山，必然係會復出，你放心，我唔係巨星，我只係有啲觀眾緣啫，但係，我就係想唱歌。」他選了清唱一首叫《幻海奇情》的粵曲，並以粵劇腔口唱出：「勞碌半生忙打拚，想喺太平盛世，做個小明星，贏咗有糖，時光荏苒??」但子華霎時停下，原來在哽咽唱不下去，他拿起紙巾印了眼角一下，平伏心情再唱：「時光荏苒，也不要為君停，人生在世，真係需要能量正，幾多難關，難過，講亦講唔清，我回首望住，回首望住你個紅館至醒悟，能夠與各位喺度歡樂一笑，都算係幻海奇情。」唱罷放下咪高峰便落台，演出完畢。