■陳凱琳騷S腰，似乎睇唔出有BB。兄弟到位 唯美婚照曝光
香港文匯報訊 鄭嘉穎及陳凱琳今天在峇里舉行婚禮，昨日於峇里酒店即興影了一輯婚紗相。相中一對新人非常恩愛，嘉穎肉緊啜爆陳凱琳，而陳凱琳亦笑得好甜，恭喜兩位！
昨天大批藝人出發赴當地觀禮。包括馬國明與唐詩詠、黃嘉樂及女友、曹永廉與太太及黃智賢等。當問到婚禮詳情時，「鐵馬幫」們異口同聲表示：「去飲飲食食囉，詳情未知，他們好保密，冇劇本，話『去到你哋就知㗎。』（係咪真係有咗BB？）呢樣更加唔知，如果係遲啲就知啦。」
由於大家都有工作在身的關係，今次只是約兩天的行程，馬國明更搞笑謂：「嗰邊地震呀，所以我去已經係份最好的禮物。（唔帶埋心穎BB去？）講埋啲衰嘢。（去取經？）咁我未去過嗰邊旅行，取經第二時同屋企人去玩囉！」
阿廉去飲飲食食
問到唐詩詠是否想接花球，她笑答：「都好喎。」她又望向黃嘉樂女友問：「需唔需要你先？」黃智賢即幫手解圍：「肚餓！」詩詠又表示自己有準備泳衣，希望能夠有時間碧波暢泳。而黃嘉樂則笑指女友唔需要接花球，但當問到是否已求婚，他卻連聲否認，又笑謂：「我淨係知啱啱地震完，能量冇咁快再令地殼郁。」
曹永廉與太太及黃智賢一同到機場，會合唐文龍飛峇里。阿廉受訪笑謂：去飲飲食食，能夠參加呢個盛事，自己帶埋唐文龍去當禮物。講笑咋，準備咗禮物，返嚟先送，帶過去唔方便。唐文龍則感性謂：「嘉穎搵咗咁多年，先搵到佢人生中最重要的人，好戥佢高興。」當問到會否趁機叫嘉穎介紹好女仔，阿廉代唐文龍解圍：「佢都搵咗咁多年先搵到，邊有得介紹？靠自己啦。」