■由葉童、陳志雲 、王喜 、石詠莉和梁釗峰主演的舞台劇圓滿結束。香港文匯報訊（ 實習記者 張雅婷 ）由葉童、陳志雲 、王喜 、石詠莉和梁釗峰領銜共七場的舞台劇《慾望街車》前晚圓滿結束。葉童笑稱自己對王喜的情挑唔到位。志雲就自爆有一日唔記得拉褲鏈，幸好入邊仲有條褲。
身為女主角的葉童說：「真係好攰，因為綵排到現在連續10日都無停過，大聲叫，體力透支，不過覺得自己好犀利呀，想不到自己仲可以排練到，把聲還在。但係我發現一隻神奇藥水，我已經介紹畀大家，就係蜜糖水。」葉童表示這個劇其實感慨良多，每一日都覺得自己好慘，因為是悲劇覺得自己就好像落難天使，所以感情好容易投入角色。
演舞台劇每日都會有蝦碌事發生。葉童就笑問志雲演出時忘記了什麼？志雲就說：「唔記得好多事啦，不過有一日就唔記得拉褲鏈，不過入邊穿了褲，估計前排觀眾可以見到，因為要充肥，所以入邊着多咗一條褲。其實這個角色呢，就是帶一點輕鬆位畀大家，所以我就不會太辛苦，重要場口得三四場。」