（第一場）「荷蘭風車」評分委實已下調了不少，甚至乎比較上季初贏馬時仲要低，六歲馬形勢上又有再度出擊之本錢，安排角逐曾獲三勝五位之首本路程，欣逢對手不算強，全力一戰可東山再起。
（第二場）「踏雪名駒」自改投蘇偉賢馬房後喜逢第二春，上季尾及時取夠分上岸免被淘汰，練者功力確抵讚，老馬趁勇無保留，強配潘頓決心爭取跨季連勝。
（第三場）「威先生」典型升降機，跑三班拚盡最多僅止於位置，反觀一落番四班角逐就成隻馬生番晒，夥拍郭能五戰四上名，人馬相當合拍，坐位望贏相信可做到。
（第四場）「艦長天下」越跑越進步，上季末仗排在最外檔，欠缺好際遇下依然能殺入圍，表現教人驚喜，確認質新馬已站在勝利邊沿，今季應該是收成時期。
（第五場）「悅目星光」自移師此程後成績理想，四戰共累積一冠兩亞一殿，性能之佳表露無遺，剛轉六歲尚處競賽生涯黃金期，續有憧憬價值。
（第六場）「夢幻仙子」實力差不多見盡，惟跑谷草短途確路有專長，同程六戰累積兩捷半數上名，賽績無花假，埋門課大閘亦試得靚，跑出水準可重振聲威。
（第七場）「雷公鑿」上季尾先亞後冠，當中贏馬一役更是輕取實力指標「嘉應之友」，賽績夠晒說服力，沿留原班角逐，有力爭取跨季孖寶。
（第八場）「好吉利」對上四仗全不勝有位，成績標青，五歲馬演出準繩中持續見進步，復課工夫積極，論狀態已漸入佳境，強配潘頓值得優先揀。