香港文匯報訊（記者 李思穎）余德丞（Dickson）上月初踢波期間突然昏迷入院，心臟一度停頓情況危殆，經過連日來治療，終由深切治療部（ICU）轉往心臟科病房留醫，住院差不多一個月，Dickson昨日在社交平台報喜，透露已經出院會重新出發，更多謝這段期間對他關心照顧的醫護人員、家人朋友，經此一役，更加體會到生命無take 2，今後會更愛惜生命，由於醫生指他暫時不能運動，Dickson自言應該是最不習慣的事情。Dickson於本月2日踏入29歲生日，今年在醫院度過，想必是他最難忘生日！
Dickson昨日除了留言向各方答謝，並甫出一張晨光下跑步，蛋糕，以及好友為他集氣的心意卡、簽名T恤相片，亦有跟自己說生日快樂，他以「我出院啦」作為開場白，留言寫上：「感謝瑪麗醫院嘅醫生同護士們，見住你哋早更完又夜更，又一大早巡房，又每日24小時留意住我嘅病情，真係辛苦你哋！」
感謝我嘅屋企人，每日擔心我病情嘅變化，又驚我唔知有咩需要，仲要每日頻頻撲撲幫我準備三餐。
感謝我公司，我經理人同一班好同事，成日擔心我會鑽牛角尖亂咁諗，一得閒就開解我。
感謝我嘅朋友，知我一個人悶，一有空檔就嚟陪我傾偈，仲要買埋生果糖水畀我食。
感謝每一位關心我嘅你哋同支持我嘅fans，喺唔同嘅社交平台都見到有好多問候我嘅訊息。雖然我未能夠一一回覆，不過我絕對感受到你哋嘅心意。
不過坦白講，原來連續咁多日面對住一樣嘅三面牆，加埋打唔開嘅窗，感覺真係好難受！所以我都希望今次之後，我嘅身體會生生性性，爭一口氣，唔好再令大家擔心。
醫生話短期之內唔可以做運動住，相信都會係我最唔習慣嘅。生命無 take 2 ，今次咁好彩有多一次機會，我一定會好好珍惜。畀啲時間，等我休養多一陣，好快我就會重新出發 #我只想身體健康 #回家最好不過 #第二生命#comebackstronger #happybirthdaytome #hk #hkig #instadaily #yuts」