今晚谷草八場夜賽，以C欄C加三跑道作賽，頭場晚上七時十五分開跑，全晚重頭戲是由三班馬跑一千米競逐公益金盃。練馬師方面，何良、高伯新及沈集成均派出多匹實力馬參戰，可優先留意。騎師方面，潘頓剛周日賽未有頭馬進帳，且看今日能否破悶局，另外黃俊與史卓豐都手執不少惡馬，值得重視。
第一場、第五班、一八○○米。「盛勢東方」上季賽績十分差勁，十場賽事討不到分文獎金，彷彿失去競賽能力，不過換來分數大幅減低，現已跌至廿三分，比起上季初低了廿一分。馬兒今季轉投沈廄受操頹氣消減，上周三初出谷草一哩，起步慢閘，入彎兜出外疊蝕追下走入第四，足證練者已令牠的進度重踏正軌；今次七日後匆匆入紙轉戰千八，已擺出一幅補鑊決心。
第二場、第四班、一二○○米。「八太子」上季初練者替牠專攻千二未能一逞，打後嘗試進軍一哩也未夠氣量應付，碰釘後近兩場笠上眼罩回到短途戰線，效果卻出奇地討好，末段一而再衝得虎虎生威，到四月中卒在楊明綸胯下熱門打開勝門。相信年青馬開竅後今季定會持續進步，官仔馬季內復課跑姿比前純熟上力，今次捲土重來再爭千二，可再贏扶搖直上。
第三場、第三班、一六五○米。「招多福」上季初出即在谷草一哩建功，打後跑到季中再喺田草一哩爆出冷W征服三班，其後休息一輪，到四月初復出後再跑三仗取得亞季各一；忠心之輩季內復課試跑走勢爽勁，身紮實火旺力足，是賽初出列陣谷草一哩，計實力經已證明有上二班潛質，交出一貫水準可穩位望贏。
第四場、第四班、一二○○米。「超能量」爆發力強中短途馬，記得上季潘頓操過唔騎，結果用柏寶出擊拚入亞軍，今季開鑼日縮程一千米直路賽潘頓終於肯騎，慢閘之下追入配腳。本身既有速度又可後追，跑法夠晒機動性，省過一場今次回師窄場千二對手非強，只要騎者發揮好，大有機會爭取出頭。
第五場、第四班、一六五○米。「夢想飛翔」慢熱自購馬隨着跑頭漸足，跑到上季尾其狀態已從賽事中慢慢得到提升，更在五月尾谷草一哩跑Q初次上名。而今季晨課所見亦出現了一點微妙變化，其專注力明顯提升，進步幅度頗為明顯，今戰初出復爭曾跑亞席之一哩，臨場有飛切勿掉以輕心。
第六場、第三班、一○○○米。「醒蹄飛」上季屢拚未能贏馬，但在田草直路賽一再有表現，得兩亞軍。而今季暑期曾上過從化操練，返港後試閘及快跳均對辦；上仗季內初出直路賽強配潘頓操刀，當有心求贏馬交代，可惜後追加速力較慢只跑第三；七歲馬難得今季狀態復甦，今次渡江轉戰一千，既跑誓必全力求勝。
八十八十磨刀霍霍
第七場、第三班、一二○○米。「八十八十」上季B布早熟快馬，出道七戰跑獲兩冠三亞成績，表現一如其血統所顯示十分早熟，上季尾轉向谷草C欄千二埋手，由於季中曾贏谷閘走勢有頭又有尾，結果兩戰同程跑獲一冠一殿成績；而今次練者再吼準窄場千二C欄入紙，今場排有利三檔，對手與田草一批級數有別，爭勝機會進而得到提升。
第八場、第二班、一六五○米。「都靈紅星」早在上季初十一月首次渡江試閘，全程兜大彎競跑下一樣交出甚佳平衡力，直路繼而再衝多衝，對能夠應付急彎窄場能力早有證明，結果七月份初爭谷草一哩以均速戰略不敵「赤兔寶駒」，本身跑開沙田大場，如今轉爭谷草贏多少級數，加上羅廄全晚獨出一駒，機會切勿輕視。