■鄭秀文明年暑假開騷，令人期待。香港文匯報訊（記者 李思穎）鄭秀文(Sammi)已成功取得明年七月紅館檔期開騷，對於陳奕迅申請紅館檔期落空，Sammi笑言如果自己知他想要七月檔期，點敢和他爭。又提議陳奕迅和謝霆鋒合體開騷，便可以一齊做跨年騷。
鄭秀文昨日出席護膚品牌活動，說到她撼贏Eason(陳奕迅)成功取得七月檔期，Sammi一臉疑惑地說：「Eason不是想要聖誕檔期嗎？可能我們互相收錯消息，其實我最鍾意是聖誕，以為Eason想要，現在我係七月期，如果佢攞我就唔敢攞啦。(Eason叫霆鋒讓路給他開跨年騷。）Eason未做過跨年，都應該做，或者他和霆鋒合搞便不用爭。」
無意破場數紀錄
問到Sammi計劃開多少場？她表示：「未知，通常不會開到最盡，大家知我的表演形式，場場攞命，會以『精』為主。」Sammi最多開過16場紀錄，她坦言無意突破自己場數紀錄：「現在這把年紀先來突破？因要付出極大體力，反而關心做得好不好多過場數，自從《Show Mi》演唱會之後，公司都希望我開越多越好，但我每次都做少咗，因想保持質量和體能，做太多真的不行。」
Sammi透露：「之前Side Track演唱會的DVD於年底推出，紅館騷都會滲入一些Side Track歌曲，所以觀眾可以買定這張碟做功課，背熟歌詞，到時一齊玩，你唔識便戇居居，你諗你，哈哈。」
抽水摸老公腹肌
Sammi老公許志安同樣明年下半年開騷，Sammi說：「可以一齊備戰，(安仔日前在社交網放上『騷肌』相？)佢無我咁自拍狂，偶然見到燈光有感覺先會影，我就任何燈光都影，我都有鼓勵佢保持做運動，已到中年要靠運動保持身體健康。我不怕他大隻，都會抽水摸佢腹肌， (安仔身形有多少分？)佢努力上有100分，要每日操練才能建立肌肉，目前安仔好自動波去做，亦已見到成績。」
