香港文匯報訊 王梓軒早前拍攝TVB劇集《是咁的，法官閣下》，與劇中演員王君馨老友鬼鬼，邀請對方拍攝劇集插曲《夜曲十七章》MV女主角。王梓軒自爆為MV閉關練舞多日，怎料現場都「蝦碌」連場：「因為今次MV要走景拍攝，舞步又超高難度，要君馨轉到頭都暈晒穿越我下半身，加上沙灘凹凸不平，真係高難度動作。當日跳咗五、六個鐘，拍完呢Part都散晒！臨尾個shot君馨都要檢查我下盤有冇腳震，佢驚我冇體力抱起佢！」
MV更要到海灘拍攝，適逢天氣轉冷，梓軒指君馨夠晒義氣：「咁凍都吊帶裙上陣，一roll機仲若無其事咁跳，呢啲專業精神真係要畀個like佢。」
王梓軒表示君馨亦有參與創作部分，令自己欠下巨額人情債：「佢都算唔話得，因為今次個構思君馨都有份諗，我又加自己意見，即使佢拍晒自己嗰部分，都留低陪我睇shot，大家齊齊凌晨三點幾先收工！」