第六場､第四班､一二○○米。「勁飛聖」上季評五十四分於谷草一千殺低「威先生」，而今季評六十分跑過兩仗皆無功，看上賽配黃俊爭千二排外檔，沿途走三疊冇遮擋，入彎更兜出外疊衝刺，結果未有成績；復課有正常打磨，今晚除單邊眼罩配麥偉利兼排靚檔，冷門在此。
第七場､第三班､一○○○米。「霸勝」上季尾大爆發，喺最後三次出賽取得兩冠一殿，鞍上人都是潘頓，而今季首度挑戰三班直路賽，因磅位問題換上賴維銘，結果人馬初次合作即贏，沿途守第七位，末段以勁勢後上一攻而破；拚後兩戰冇飛即乏表現；現渡江角逐谷草一千配李寶利，慎防轉戰窄場施放冷箭。
第八場､第三班､一二○○米。「一舖成名」上季來港評六十四分，七戰中頭六仗零獎金，直到最後一役配梁家俊改跑四班千四米，沿途居中後位置，入彎爆發力強，狂追下贏一頭位爆冷W；而今季四戰只得一殿，上次跑谷草千二輸五馬位，然而今晚馬房打王牌再報此程，用黃皓楠孭磅有利，小心冷門爆鑊金。