第二場、第四班、一二○○米。「快樂魔王」來港前三歲時在愛爾蘭於一場千六米旗開得勝，之後便運來香港服役，但牠來港後表現急躁，跑中距離在前段總是留唔住，反而上季縮程跑谷草千二米後上入Q，只輸一個馬位俾「魅力星星」而已，證明性能有可能短優於長；今季經已有兩場熱身賽，上仗同程用上何澤堯發揮一般，今仗試準結合評分處新低，提防出冷。
第三場、第五班、一六五○米。「靈鋒」來港前在英國由布銘球訓練，曾出賽四次獲冠亞各一，曾在意大利千五米二級賽準則大賽跑亞軍不敵「鵲橋飛渡」，後駒在港季內已在三班贏馬開齋，而且該賽的一四年度亞軍「華美之友」，來港後取得四場頭馬，估計「靈鋒」目前在五班分區必有能力作出迴旋；上場出戰同程已見閃閃身輸近，證明一哩路程正合發揮，分利馬提防反擊。
第四場、第四班、一二○○米。蔡廄「醉翁意」與上周贏馬的廄侶「金匯昇」部署有點近似，同樣售自去年澳洲復活節周歲馬拍賣會，當時身價為廿二萬澳元，在港同父馬有「精益求精」及「酷比仔」等，加上外祖父為澳洲馬王「白金礦」，俱是十分早熟及擅跑短途；礙於「醉翁意」體形較為輕巧只得一千五十磅左右，出戰谷草賽事合理安排，首戰於千二米上陣得第八名，只輸三馬位經已收貨，熱身後換上主帥雷神操刀應可見真章。