■軒仔翻唱《飄零燕》主題曲。香港文匯報訊 容祖兒前日出席活動時透露張敬軒答應拿出物品讓她義賣，豈料對方「走數」，而軒仔更被粉絲改了個名叫「走數軒」，事緣軒仔之前曾答應過粉絲會唱兒歌，豈料遲遲未兌現，軒仔昨晚終於向粉絲「找數」。
為了洗脫「走數軒」之名，今年軒仔開始找數，包括出碟、演唱會、拍科幻片等，昨晚軒仔就在自己的社交網站post了段片，片段入面，DJ當奴着住條短裙仔通山跑，而軒仔就拎住隻草泥馬公仔跟當奴在山上玩，原來軒仔翻唱經典卡通片《飄零燕》主題曲，還與當奴拍攝MV《阿爾卑斯山的中女》，找「兒歌數」。
MV製作得一絲不苟，特別在造型方面落足心思，好似軒仔飾演的「彼得」和當奴飾演的「海迪」，無論由髮型到服裝，都跟原著一模一樣。唱腔方面，軒仔一改平時靚聲見人，改為以一把卡通聲去唱；歌詞更顯心思，唱到中段，突然加插咗泰文同日文，音調效果出奇地夾。事後，軒仔表示：「泰文同日本係突然間諗到，所以唱咗出嚟。」他還開玩笑說：「好希望可以憑呢首歌打入國際同兒歌市場。同埋走數嚟講呢，我係找得慢啲嘅，總之有拖冇欠啦。」