■軒仔在充滿英倫復古風的家搞發佈會。香港文匯報訊 張敬軒前日推出大碟《Senses Inherited》，前晚他更在充滿英倫復古風的百年大宅搞了個新碟發佈會，並在facebook首播。軒仔表示：「今次隻碟想帶出 「傳承』呢個訊息，我係聽上一代的歌長大，以前的歌，一聽到佢的樂器，就已經覺得在首歌的氛圍入面。為令樂迷可以感受到呢個氣氛，我選擇在屋企做歌曲發佈會，亦趁機同大家分享這個地方，有歷史的建築物會越來越少，希望藉着呢個機會令大家關注保育它們，可以繼續傳承落去。」
發佈會上，軒仔唱出三首新歌，包括《歲月靜好》、《裝睡的情人》和《百年樹木》，軒仔亦特別請了幾位中小提琴家及鋼琴家來伴奏，又邀請DJ當奴做觀眾及司儀。眼見當奴聽得如癡如醉，軒仔決定整多首bonus，唱出他與當奴的代表作《孤零燕》，唱到尾聲，原本着住西裝褸的當奴忽然「海迪」上身，還一邊飲紅酒一邊食花生，認真爆笑。
之後軒仔還誠邀當奴唱「家燕版」《孤零燕》，當奴攬住之前跟軒仔去澳洲買的草泥馬公仔唱歌：「迷途迷途家燕 未得歸家這薛家燕......」之後他就開始亂入兼將首歌重新「填詞」，軒仔聽到笑到拍晒手，唱到最後，全場都忍不住大笑。