■薛凱琪（右一）穿上農村服開工。香港文匯報訊 薛凱琪（Fiona）最近參與內地真人騷《完美的餐廳》，除了要打掃清潔、招呼客人外，還要親自採摘下廚的食材：「要我煮已經好驚訝㗎喇，點知住嗰度仲對住個農場，有家禽、農作物自給自足，煮咩都要落田摘。好在我向梁祖堯學整粟米羹，每次同客人推銷這款湯時，都會由摘粟米嗰一刻講起，烹調過程都係親力親為。而收舖之後，工作人員都會問我有冇湯剩畀佢哋飲，證明我煮得唔錯！」
Fiona表示刮粟米粒比較辛苦，還要被迫着「獨特」農村服開工：「下身條花花褲真係不得了，節目組呢條褲係網購賣斷貨，可能大家睇完我哋着之後，成為潮流指標，所以大批入貨吧！」
Fiona又稱因為拍攝節目，學識珍惜食材，有剩都會煮給大家食，不做「大嘥鬼」，而落田拍攝當日天氣炎熱，不過回歸大自然令她感覺舒服：「雖然我由細到大都喺城市生活，不過我都頗嚮往喺偏僻、山區過簡單生活，因為在我來講簡單就係快樂，所以參與《完美的餐廳》節目，雖然體力上比較辛苦，但都覺得好開心，甚至有時覺得比留喺城市更快樂，所以係很好的體驗。此外又令我跟其他組員感情變得更深厚。」