香港文匯報訊 即將上映嘅賀歲電影《如珠如寶》，係林敏驄首次執導，諗頭多多的阿驄，今次喺新片中更有份參與編劇及主演，幕前幕後都兼埋，搞到上映在即都冇覺好瞓！
話晒係電影上第一個親生仔，阿驄今次連幾代祖先都要扮埋，佢要扮曾曾曾曾祖父及曾曾曾曾祖母，扮起女人上來的阿聰真係維肖維妙，佢刻意擺出一副媚態及卡哇兒樣，真係比真女人更女人。
當日試造型，阿驄用了大半日時間，一共試了十個造型，試完院長造型就試曾曾曾曾祖父及曾曾曾曾祖母，無厘頭嘅吽A試造型時都不忘搞搞震。對於連祖先都玩埋，阿驄話：「其實係有需要先咁做，要扮自己嘅祖先咁就梗係由我自己扮最似啦！」