■狗主份「癲狗日報」4個月前先鬧完鬍鬚曾「屁股決定腦袋」，4個月後就同對方談笑風生。facebook 圖片明明今次派高達4,000蚊嘅「關愛共享計劃」同2011年派6,000蚊根本係兩嚿嘢，反對派都可以當瀨尿牛丸咁溝埋一齊嚟講，仲將當年嘅財爺鬍鬚曾（曾俊華）捧上神枱，去隊現屆財爺波叔（陳茂波），而鬍鬚曾都賣花讚花香話「全民派錢」係「最好」嘅。可能有啲市民真係善忘到一個點，辣開反對派嘅中大「獨」講師劉正就嚟個溫馨提示，講返鬍鬚曾其實最反對派錢，只係喺俾人鬧爆之下先至屈服，而反對派當時亦都反對鬍鬚曾派錢，今次180度轉軚吹捧對方，真係作嘔！有網民亦都質疑鬍鬚曾講大咗，「請問你在任時，有邊次財政預算案係俾人讚？」
鬍鬚曾日前接受「狗主」黃毓民訪問，提到「關愛共享計劃」仲有自己個6,000蚊計劃，話當時只需要到銀行開戶口或者到郵局就可以搞派錢手續，「我哋諗過嗰個方法最好」，而現時個「關愛共享計劃」有審核，「嗰度複雜咗好多囉。」
反對派亦都喺網上廣傳由《Now新聞台》做嘅一幅圖，當中將「關愛共享計劃」同6,000蚊計劃兩樣大纜都扯唔埋嘅嘢做比較，又話6,000蚊計劃點樣簡單點樣多人受惠，又話「關愛共享計劃」由上年公佈到而家都仲未派錢，唔講仲以為睇緊反對派啲呃Like改圖！咁啱睇，成班反對派中人，當然就四圍瘋傳啦。
鬍鬚曾最反對派錢
劉正就喺坉耖acebook專頁「無神論者的巴別塔」度眾人皆醉我獨醒咁，話反對派仲有唔少媒體將鬍鬚曾捧到幾咁英明神武，真係好想作嘔，「??家有班友又想借呢個機會力捧曾俊華係當年嘅派錢英雄──事實上當年曾俊華偏偏就係最反對派錢嘅一個！」
佢提到鬍鬚曾喺2011年諗住又將錢注入強積金戶口，結果喺壓力之下先至屈服轉為全民派6,000蚊，至做完財爺為止都堅拒再派錢，「點解去到今時今日，班黃屍飯民可以咁無恥，掉返轉吹捧起佢上嚟？」
反對派「全面開戰」慘淡收場
至於喺前年選特首期間吹捧鬍鬚曾嘅反對派，當年嘅態度又點呢？劉正就話佢哋喺對方宣佈派錢之後，都仲係話要「全面開戰」，搞咗個「萬人怒吼反預算案大遊行」，「而結果係點？人人有6,000（蚊）落袋，得×閒理你哋咩，成個遊行得200（人）至300人參加，慘淡收場！」
對於鬍鬚曾一唔做官就一副過咗海就神仙嘅態度，「Ann Wu」反問：「請問你在任時，有邊次財政預算案係俾人讚？上次派錢都係眾怒先派！你以為那些擁護你去參選的政黨是真心的？不是因為搞對抗？我對你太失望，退休後怎麼和那姓黃的（狗主）一樣在胡說八道！有職業道德的應批評現在政府和以往共事的人和事嗎？」
咁又係呀，正如訪問鬍鬚曾嘅狗主，佢打骰份「癲狗日報」，喺4個月前都鬧過鬍鬚曾「屁股決定腦袋」，不過狗主喺4個月後又同對方談笑風生，態度又會轉得咁快嘅呵？ ■香港文匯報記者 鄭治祖