■余德丞和王麗嘉出席活動。香港文匯報訊（記者 梁靜儀）余德丞（Dickson）與王麗嘉（Irisa）、 前港隊單車手胡健燊（Jack），昨日到將軍澳香港單車館為《香港世界盃場地單車賽》造勢，更為香港單車隊打氣。
Dickson表示兩、三歲便懂得踩兩輪單車，更試過發生不少意外：「試過在小學一、二年級在屋企樓下平台踩單車，成架車衝咗落泳池，另一次就炒落花槽，搞到甩指甲，𠵱家都仲留起塊指甲，不過之後都有同朋友一齊踩單車去BBQ。」去年Dickson踢波期間突然昏迷入院留醫，他表示現時都有做健身及踩室內單車，問到是否對踢波有陰影？他帶笑說：「未開始踢波，相信冇陰影，遲啲我會搞友誼賽，屋企人就叫我量力而為，如果我踢嘅話，都會叫齊啲醫生護士朋友來睇實我。」
身穿運動Bra Top的Irisa就表示小時候爸爸已教她踩單車，沒有發生過意外，好安全，因為會戴上頭盔。問到平時是否都鍾意做運動？她坦白說：「我唔係好鍾意做運動，平時鍾意做Pilates，(平時做運動都係着到咁性感？)都唔係好性感，會唔着外套，好多人都係咁。（咁好身材咪多人望？）多人望都冇辦法。Dickson就在旁笑指着外套會生熱痱。
麥明詩（Lousia）近日為慈善踩單車到柬埔寨期間受傷，身為對方教練的Jack表示他們有個手機訊息群組，知道還有其他人受傷，Bryan（潘梓鋒）都有受傷。不過他也不太擔心他們捱不住，因為已過了一半，開始習慣旅程節奏，而體力上應該一早已有心理準備。問到可有關心Lousia？他說：「受傷好正常，相信係正常拉親，照了X-ray冇骨折，應該過兩、三日踩得返，係心理上問題，佢哋唔係專業，可能有點陰影。」談到Lousia的心理狀態可好？他大讚對方勤力，又是高材生，不是嬌嬌女，又稱如有機會都希望可以再做慈善籌錢起多一、兩間學校幫助人。問到二人可有機會進一步發展感情？Jack即以忙碌來作擋箭牌：「唔知呀，佢又忙，我又忙，咁忙冇時間拍拖。」當被問到現時可有女友，他就以私事為由拒回答。