■左起：林曉峰、鄭欣宜和林德信飾演三兄妹。香港文匯報訊（記者 梁靜儀）由鄭欣宜（Joyce）、林曉峰（Lo）、林德信（Alex）、盧海鵬（鵬哥）、林明禎及阿牛等演出的《玩轉全家福》，是關於一家四口去旅行，從中重新發現身邊人的重要和及時去愛的故事，當中有苦有淚有笑有愛。
戲中飾演三兄妹的Lo、Joyce和Alex，被問到首次合作可有擦出火花？ 飾演二家姐的Joyce就投訴：「完全冇火花，佢哋都唔聽我講嘅，排中間嗰個通常冇人理，Alex又唔講嘢，成日拍完戲就會走埋一邊睇越南同美國打仗嘅黑白紀錄片，我又鍾意撩人講嘢，於是佢好詳細咁同我解釋，嗰時我就好後悔問佢嘢。」
飾演大哥的Lo亦表示沒有火花：「現實中我係細佬，所以拍戲嘅時候， 我代入咗鵬哥嚴父個角色對佢哋兩個， 所以唔係火花，係點樣磨合演好個角色。」 而飾演細佬的Alex笑言和妹妹在家中被媽咪鬧，他要代表妹妹跟媽咪去傾，但今次做細佬卻樂得輕鬆， 很多事也不用理會。
向盧海鵬偷師
雖然投訴阿Lo和Alex不理她， 但其實跟這兩兄弟合作得很愉快，身為獨生女的她不諱言長期都幻想有兄弟姊妹， 尤其是睇過動畫《再見螢火蟲》見到哥哥很錫妹妹，就好渴望有個哥哥錫自己。Alex和Lo就向他潑冷水說：「真實係唔會有。」說到阿Lo似有難言之隱？他否認在家中被哥哥姐姐欺負，因為大家的關係就像朋友，只要他們想欺負他，他就會告訴給爸爸聽。
今次能與好戲之人鵬哥合作，他們都表示獲益不淺，Joyce 表示今次知道其他演員人選即一口答應演出：「因為鵬哥係人所共知嘅笑匠， 希望可以從中學到嘢偷師，但鵬哥太勁，見到佢自己好緊張，不過正好可以將呢種緊張放喺個角色上。」
Credit：Lo&Alex／Hair: Vincent@ii Alchemy／Makeup: Shuen Kong @WiLL Wong／Management: Lam & Lamb
Joyce／Makeup: Samuel Wong @江中平化妝室／Hair: Milk Chan @Xenter／Stylist: Derek Ho／ location: Ball Room觀塘總店
