香港文匯報訊 樂壇新人曾樂彤最近成為時尚界新貴，先後獲國際品牌邀請出席美國紐約時裝周。繼日前的fashion show後，美國時間13日，曾樂彤再次現身國際舞台，出席另一品牌的時裝show。當晚曾樂彤以一襲ruffle tube dress上陣，凸顯鎖骨同纖瘦長腿，性感又不失型格。同場仲有美國女星Shailene Woodley、日本爆紅混血model Mala Morgan（茉愛羅）、劉憲華（Henry）和台灣女藝人賈靜雯。上一場show，由於係第一次踏足時裝周，曾樂彤大為緊張，不過有咗上一次嘅經驗後，今次淡定得多，「今場show冇咁緊張，心跳得冇咁快。不過今（當）晚嘅天氣更加凍，日頭同夜晚嘅溫差都幾大，同埋又落雪，變得好寒，我諗我條裙入面黐咗最少十個暖包，哈哈。」總括今次嘅美國之行，曾樂彤話今次大開眼界，「fashion show嘅衫全部都好靚，識咗好多新朋友，收穫良多，希望以後可以再有機會來。」