香港文匯報訊（記者 梁靜儀）鄭詩君（C君）昨日出席新劇拜神儀式。早前向拍拖四年、任職香港電台DJ的女友黃天頤求婚成功的他，透露已搵了麥玲玲擇日，婚禮希望於年底舉行，暫定筵開廿圍。
C君透露求婚過程好感動，當日他約了未婚妻一班朋友匿埋在家中，當他成功求婚後突然衝出來，令到女友好感動。 問到兄弟團有什麼人？他笑說：「有一個人話要做兄弟，講咗幾廿次，就係黃翠如，但佢結婚我連飯都冇請我食。」他又稱陸永都會做兄弟，問到會否搵鄭裕玲（嘟姐）做證婚人？C君說：「我有問嘟姐會唔會去飲㗎？你知嘟姐九點鐘就訓覺，驚佢第一道菜都未食就瞓着咗，呢啲人情方面可以幫補好多，一定要請。（會唔會請黃子華？）有問佢，呢啲係人情主要來源。」