■陳曉東為個唱進行綵排。香港文匯報訊（記者 梁靜儀）陳曉東（東東） 將於下月9日於紅館舉行個唱，昨日他到觀塘為個唱進行綵排，跟排舞老師麥秋成大跳勁舞，距離開騷只有個多星期，東東作最後衝刺，已連續五日，每日排舞五小時，排完舞再練歌。
東東表示除了密鑼緊鼓排練外，夜晚又戒吃油，並推掉了很多親友的飯局約會，已瘦了五至十磅。問到想減多少磅？他說：「 我目標唔係想瘦，係想大隻、想fit，想有鋼條身形。」 開騷在即，東東表示心情感到既緊張又期待，由於只開得一場，很多朋友都向他投訴買唔到飛，他也沒辦法，所以他看看之後可否再入紙申請開Part 2。
曾表示想追個豬BB的東東，近日被拍到一家四口去買BB用品，穿鬆身衫的太太王妤嫻更被指腹部微隆，疑似有身孕，問到是否成功追B？東東否認太太有身孕：「亂講，只係買嘢畀個女，香港買嘢的地方嚟嚟去去得嗰幾個，太太一向都有着鬆身衫 ，佢好嬲，唔敢見人，話要同我一齊鍛煉 ，仲戒咗咖啡同珍珠奶茶 ，我就飲齋啡走糖走奶，（ 有冇追仔計劃？)追到個唱Part 2先再想追B，希望兩樣都追到，總之大家都努力，合作愉快啦。」