香港文匯報訊（記者 梁靜儀）「藝進同學會」將於3月7號假九龍灣舉行三十周年晚宴《藝進情濃30載》，並於昨日舉行記者會，黎耀祥（祥仔）、會長甄懋強、副會長黃澤鋒、鄧英敏、祝文君、阮德鏘及譚玉瑛等亦有出席。
黃澤鋒與祥仔一起接受訪問，黃澤鋒表示很開心可以凝聚一班同學返來，目前大約有四百多會員，希望可以吸納更多新會員傳承，而入會條件只要是無綫訓練班的學員就可以加入，稍後亦會舉辦舞台劇以增加凝聚力。祥仔指藝進同學會之前比較低調，今次高調宣傳，是因為想讓大家知道該會仍然運作中。
黃澤鋒又透露晚會當晚將會有夾band、唱歌表演及拍賣，而他會負責表演打鼓，而永遠榮譽會長兼創會成員周潤發（發哥）亦可能會出席支持，他笑說：「 發哥交個會畀我哋，唔會掉低我哋。」
祥仔則指當日可能要在內地工作，但仍會盡量抽空出席，他笑言好難得有組織同是TVB訓練班出來，大家同聲同氣：「藝人都想對社會有貢獻，但擔心同出面啲組織合作會畀人揾笨，但同藝進同學會合作就唔會，啲收益會捐晒出嚟，全部都係義工，冇行政費用。」
另外，即將為人父親的黃澤鋒，談到52歲已懷孕19周的太太身體很健康好強壯 ，祥仔就笑指對方是大家的榜樣， 問道他是否想再生？他就笑說：「我生唔到啦！個仔都廿一歲，等抱孫啦，仲追咩？」黃澤鋒羨慕祥仔可以甩難，祥仔就對他說：「慢慢捱啦，皇天不負有心人。」