■金燕玲(右)接受蘇施黃訪問，親證年初發現患有子宮癌。香港文匯報訊（記者 李思穎）64歲金燕玲昨日接受「密友」蘇施黃的電台節目訪問，她親證今年初發現患有子宮癌，並於年初五進行手術，由於腫瘤太惡，必須要做電療和化療。
金燕玲表示：「女兒在過年前返港探我，我們一齊去做抹片檢查，結果發現我有不良細胞。阿女在27號離港，28號護士催我覆醫生，話我報告麻麻哋，30號我去見醫生時，他跟我說子宮癌症指數九成有事，因為我忍唔到痛做詳細檢查，最後要到醫院全身麻醉做手術，出院時是年廿八，我仲流住眼淚染白頭髮，就算病，過年都要個樣好靚，最初醫生要視乎報告情況才決定可否做微創，有四個窿仔，但好唔好彩醫生話唔得，初三入院，初四做內窺鏡，初五開刀。」
阿蘇指當得知金燕玲患癌病時，自己表現異常冷靜：「我2005年都患過乳癌，身邊人唔出聲是最大幫忙，唔好討論個病話搵邊個醫生，要等佢冷靜決定。」金燕玲指稱：「當時只有阿蘇和最好朋友關之琳知道，最唔想個女知，佢喺英國，咁遠幫不到什麼，佢一定喊喊喊同擔心，反而令我情緒好波動。雖然是第一期，但是USPC惡性腫瘤太惡，三年後復發機會好大，亦唔可以做微創手術，必須要一次過切除淋巴、子宮和盲腸，仲有個好似豬網膜咁嘅組織，全部切晒，呢個瘤好陰濕，要好仔細做化療同電療，希望可以控制到。」
需做6次化療
金燕玲在手術完後始告知在台灣開餐廳的妹妹，她最開心是患病期間與妹妹多了時間相聚，她說：「妹妹在我手術後來屋企陪我，我鍾意阿妹陪我多啲，佢冇咁忟憎，阿蘇都好好，唔好誤會佢。阿妹從來唔會在港留六日五夜咁耐，真的很開心，幾十年來第一次同妹妹傾咁多偈。」金燕鈴又表示化療要做6次，朋友試過話生不如死，阿蘇謂：「當時佢乜都唔啱，亦唔可以喺坉惚e吃東西，佢聞到陣味會嘔。情人節嗰日，佢指定要食某間店的粟子蛋糕，但係要訂都要隔一日，好彩朋友幫忙先訂到，我哋情人節就喺度食粟子蛋糕，呢個蛋糕係佢患病之後第一次食嘢話好味、第一次唔鬧人。」這段時間金燕玲更加感受到很多人錫自己，她自言有時不想食都要食，因為要Fight！!