■江美儀(右)雖是「新血」，但她毫不怯場。香港文匯報訊 夏雨、李司棋、米雪、阮兆祥、江美儀及劉錫賢，早前飛赴新加坡為舞台劇《秘密》、在嘉龍劇院進行一連兩場的首站巡演，兩場均座無虛席，反應相當熱烈。大隊將於3月30日再赴馬來西亞雲頂，進行第二站巡演。
是次巡演加入了「新血」江美儀以及劉錫賢，雖是「新血」，但江美儀毫不怯場，無論舉手投足均騷味十足，阮兆祥亦大讚江美儀甚得新加坡觀眾歡心：「每次佢出場，啲觀眾都笑得好開心。」江美儀亦笑言難忘觀眾反應：「好好玩，我哋有啲位冇諗過佢哋會笑得咁開心，同埋佢哋真係由頭笑到落尾，證明反應好好。」祥師兄亦直指觀眾的反應是意料之外。望落弗到漏油的江美儀，坦言因為角色頗為「少布」，故臨出發前有專程做機令自己更firm：「其實呢排我真係弗咗，因為有keep住做運動，去咗水腫。」
除了工作，眾人不忘四出覓食，江美儀笑言阮兆祥是這次旅程的「衣食父母」，「我哋想食乜，祥師兄都安排到。最後一餐我哋差不多食勻晒新加坡嘅地道美食，所以我想專登多謝祥師兄咁照顧我哋嘅五臟廟。」阮兆祥最難忘的，則是拜會了《歡樂今宵》創始人蔡和平，並大讚逾70歲的蔡先生依然熱愛工作及生命，是值得學習的榜樣。