■手勢純熟的黃智雯表示沒有學過整花球。香港文匯報訊（記者 梁靜儀）黃智雯（Mandy）昨日到鑽石山出席花花世界大派對活動，除了跟粉絲玩遊戲，又即場製作花球。手勢純熟的Mandy表示沒有學過整花球，但愛看別人整。她又自爆讀書時第一次拍拖收花，連花謝了也捨不得丟掉，便將花瓣製成乾花及書籤。
Mandy表示現在喜歡收到較細束的鮮花，亦曾收過一大盒花。問到是否男友送的？她笑說：「今年情人節男友都有送花畀我，唔係我特別要求要收花，但佢都會做， 覺得好sweet。（男友好浪漫？）係㗎，佢唔會特別講出聲，會做咗之後再畀驚喜我，我幾欣賞佢，低調得嚟又浪漫。」而她做過最浪漫的事，就是親手做了一本畫冊，紀念他們拍拖一周年。
說到她在活動上提及想掟花球，問到是否恨嫁？Mandy笑說：「我只係想掟嗰下囉！我覺得好得意，我記得（胡）杏兒結婚時，係我收到花球，其實係佢哋塞畀我，不過我覺得係開心事，係一個祝福，但未必收到花球嘅女士，就係下一個結婚。」至於可有計劃結婚？她就笑說：「未有計劃，不過我都有幻想將來個婚禮會係一個花海。」
近日正忙拍新劇《降魔的2.0》的Mandy 透露因超時關係，預計要拍到5月中，而她在壓軸場戲更會有打鬥場面。拍畢後她就會放假休息。