■陳家樂、姜麗文及王子涵等到Bob主持的《兄弟幫》任嘉賓。香港文匯報訊（記者 梁靜儀）陳家樂、姜麗文及王子涵等，昨日到電視城為節目《兄弟幫》擔任嘉賓，節目中分享拍攝無綫劇集《廉政行動2019》時的點滴。
家樂透露該劇監製林超賢收到劇本後，為增加刺激感，因此加拍了一場超級勁的飛車戲，他笑說：「我一直都想拍飛車戲，但唔係我揸車，係陳瀅揸，不過佢手車係好辣，佢笑我揸車唔叻。」他指劇集雖已煞科好幾個月，但因為演員、導演跟幕後都各有各忙，陳瀅又去了緬甸探訪未返，一直未能約實舉行慶功宴，他笑說：「我們一班演員因為拍得真係好開心，好想慶功，但導演們同幕後已經入咗第二個劇組，我們唯有用獎金獎品引各人嚟食。（陳瀅要供樓好手緊？）你們睇吓坁壎璆郊x啲廣告先啦，我唔明點解大家拍埋同一套劇，佢工作多過我咁多！（你出幾多獎金？）陳瀅都話五位數字，咁我都要啦！」家樂又透露隨後會出發到墨西哥拍攝林超賢執導的電影《緊急救援》，問到有什麼要準備？家樂說：「原本以為當地好熱，但原來相反，𠵱家要買過晒啲衫，工作人員又話擔心登革熱，我諗緊係咪要打預防針。」他謂希望可趕及回港出席金像獎頒獎禮。
姜麗文有新戀情
姜麗文自與鄭俊弘分手後，一直未再有新戀情，昨日她大方透露已有新戀情，男友Pakho 是一名工程師，已拍拖兩年多。她更透露早前與男友一起拍攝內地真人騷節目《女兒們的男朋友》，節目中父親秦沛要看他們的拍拖片段，爸爸睇到不是味兒：「我係一個好肉麻嘅女朋友，成日要攬攬要錫錫，我覺得爸爸有睇到呷醋，但係我都已經33歲，不過爸爸對男友相當滿意。」問到二人的感情是否已穩定到談婚論嫁？她暗示已視男友為結婚對象：「有信心先會拍節目，但係女人唔可以催結婚，暫時亦未有計劃。」
另外，林盛斌（Bob）透露於隔鄰錄影廠拍攝MV的鄭俊弘，剛才也有到場探班，見他亦有跟舊愛姜麗文打招呼。提到日前得到《最具影響力司儀大獎》，他表示是人生第一個個人獎項，能跟薛家燕、黎耀祥及陳煒等同台得獎感到非常榮幸。