■霆鋒全程以流利英文對答。香港文匯報訊 謝霆鋒早前受邀出席Google香港「Talks at Google」分享，亦是首位在香港「Talks at Google」演講的香港藝人。集演員、歌手、企業家、廚師多重身份於一身的霆鋒，在演講上分享其演藝及創業之路，直言自己有鍥而不捨精神，沒有難題會令他卻步。
今次分享更在各Google辦公室，包括台北、北京、上海、新加坡等地同步直播。一個小時的演講上，霆鋒全程以流利英文對答。講到他多重身份，怎樣才可以專注做每一樣事？霆鋒表示：「我喺廚房學到嘅一樣嘢，就係time management！」他以烹飪比喻：「當你要為兩個人或四個人去煮兩道菜，係好容易，八個人，都可以，但要為十個人煮八道菜，而上菜嘅時候仲要熱嘅，特別係中國菜，就唔係咁容易。我係一個好八卦嘅人，我對好多嘢都好好奇，我會成日問點解？點樣？當我一開始專注一樣嘢嘅時候，我會鍥而不捨去鑽研，唔會被難題令我卻步，呢個係我嘅性格。」
做不同範疇有不同好處
之後主持提到他上一隻廣東碟在2005年推出、國語碟亦都是十年前的事時，霆鋒搞笑地做出一個驚訝表情，更反問主持：「真係？」全場即刻大笑。
主持繼續話見到他這一年有出歌，又為頒獎禮擔任嘉賓又做內地節目《中國好聲音》導師，問他是否在音樂上已有計劃？霆鋒直言沒特別去計劃，是順其自然，他說：「做唔同範疇嘅嘢有唔同好處，譬如有時股票會好過做房地產；有時做音樂會好過做電影。永遠唔會做一樣嘢係最好，如果個潮流好似浪，你捉到就會喺最高嘅位置。2014年我做第一季《鋒味》，成為內地最大型嘅飲食節目，現在我哋做到第五季。因為捉到呢個浪，現在節目行得好穩定，我就有多啲嘅時間去做音樂。」他表示現在未必做大碟，但正在籌備開演唱會，「現在個個都係做演唱會㗎啦，哈哈。我哋係需要大啲嘅場地，不過仲未搵到地方。」
最後，當被問到有什麼keywords去形容自己的性格和人生時，霆鋒就話：「Creativity、Synergy、Resourcefulness，唔同嘅keywords可以用喺唔同嘅階段，不過如果我係貪心嘅，我就會覺得每一個字都係我嘅keywords。」