蔡約翰馬房向來係馬場大熱保衛者，更加係投注額票房信心保證，自從季中簽埋巴西好手莫雷拉做馬房主帥後，蔡廄馬更加係熱上加熱，真係中咗都無乜肉食，唔買又隨時俾佢殺退，正宗係針無兩頭利，至於係咪馬迷扶手棍就見仁見智了。不過，經過早前一輪大攻勢之後，蔡約翰近期手馬表現明顯跌watt，跑嚟跑去都係嗰批馬，而質新嗰批馬又未操起，馬房青黃不接階段，正在處於回氣階段。
阿蔡開倉十幾年間做咗十次冠軍，懷疑佢嘅實力就根本多餘。阿蔡嘅成未狾‵Y人都知，每季手上都有一批潛質優厚嘅自購新馬，呢啲自購新馬講緊每隻有能力掃幾場頭馬，一兩季跑晒就立即換血，兵源方面又源源不絕，令馬房優質馬循環不息。係人都知阿蔡點樣成功，但就唔係人人都做到，阿蔡就係有本事季季維持優質貨源，有麝自然香，好多馬主等了又等，都擺唔到馬養喺夆貝苤C
家陣馬季咁長，就算大馬房如蔡約翰，都唔可能令馬匹全季維持頂峰狀態，已經贏咗有交代嘅馬評分升高哂，而且連場拚搏後體力消耗大，好似近期「金匯昇」、「話得事」、「歡喜心」、「友瑩囍」及「神州威龍」就係越跑越差嘅典型例子。至於較質新分子如「明駿之星」及「勇勢」，又未操到夠爭勝水準，差不多成為「票房毒藥」。一直強調賽馬係此一時彼一時，沒有必然，卻也有科學解釋，馬匹多拚回落，多敗則形勢漸利，但同樣地沒有必然，有些馬拚後會回一回，起得也快，有些馬會一直沉下去，中外馬圈都有一種說法，當馬房興旺的時候，馬匹狀態紛紛來了，倒霉的時候，馬兒也沒精打采呢。其實近排蔡廄馬嘅賠率普遍好分咗，係一個重要啟示，但好似「美麗滿載」同「勝得精彩」就越熱越穩陣，投注前要經過濾，唔好盲目相信名牌兩字就胡亂追捧。不過始終睇好阿蔡今季繼續係冠軍練馬師，相信稍後又會連珠炮發，頭馬數字再彈甩其他競爭對手。