■蔡卓妍、郭奕芯、談善言及導演曾翠珊前晚出席謝票活動。香港文匯報訊（記者 梁靜儀）蔡卓妍（Sa）、郭奕芯、談善言及導演曾翠珊前晚到旺角出席《非分熟女》謝票活動，阿Sa表示未試過喬裝入戲院看觀眾反應，但就有看網上的影評及留言，問到評語如何？她說：「大部分都OK ，實有好同差嘅評語，始終每部戲實有人鍾意同唔鍾意。（好難聽嘅留言？）未有。」
阿Sa表示日前新戲首映時，她和男主角吳慷仁坐在一起看首映，當播到二人親熱場面時二人就掩眼不敢睇，問到是否「冇眼睇」？她笑稱：「no eyes see，好尷尬囉﹗（朋友有何評價？）佢哋一定撐，仲話睇到眼都唔眨。」阿Sa指身旁的郭奕芯同樣有親熱戲，郭奕芯笑謂幸好當日有條圍巾可以遮住：「因為得自己一個，聽住自己啲聲好尷尬，（咩聲？）做戲嘅『呼吸唞氣』聲。」
戲中阿Sa 要跳鋼管舞，她指談善言的鋼管舞比她更性感，談善言說：「兩種唔同性感，佢哋係情慾上大膽，我係舞姿上大膽。」阿Sa 笑言拍完這套戲後，寧願性感都不想拍親熱戲：「因為有啲動作係唔科學，基本上現實生活上係做唔到。（同男友試吓？）都話唔科學，根本能人所不能嘅動作，要你對住鏡頭拗晒身，根本冇可能，impossible（不可能），放入現實生活可能會拗親條腰同頸，拍嗰時真係差啲拗晒四肢，吳慷仁都好慘，膝頭瘀晒。」 問阿Sa是否拍鋼管舞較傷？她則說：「Pole dance瘀嘅位置唔一樣，係內側地方，嗰啲唔科學嘅動作戲係外側較多，內外側我都有傷，拍得好辛苦，（叫男友呵護？）得㗎喇，我有自我修復功能。」