今晚快活谷跑八場賽事，以C欄C加三跑道作賽，頭場晚上七時十五分開跑，全晚唯一盃賽是由三班馬跑千二米爭逐韓國馬事會錦標。練馬師方面，葉楚航及何良均派出不少實力馬參戰，值得重視，半冷可吼文家良馬房。騎師方面，潘頓、黃俊及史卓豐皆手執多匹惡馬，要優先留意。
第一場、第五班、一二○○米。「錢途再現」五歲遲熟中短途馬，今季跑過六場，初出已在田草千二追入大冷Q腳，打後兩仗表現未盡人意；大前仗由蘇兆輝接手，結果在五班田草千二米輕取「鑽石達人」，賽績相當堅挺；拚後兩仗俱跑第四；今次渡江列陣可衝擊季內第二W。
第二場、第四班、一六五○米。「金童」一月初一役田草千八屬高水準賽事，細數頭十一名馬接戰成績，多達七駒能走入三甲，「金童」跑第七輸四個身位，但與牠走位相若兼鄰近過終點的「放馬過來」和「千金一諾」，翌仗再出同場能包辦PQ，則顯得「金童」演出並不失禮；今戰谷草一哩冷門在此。
第三場、第五班、一八○○米。「上旺財上」今季轉入沈廄，早在十一月尾及十二月份接連角逐五班谷草一哩兩仗都能殺入Q腳，其中一仗更是影相輸鼻位；到二月中下旬出戰谷草千八，在潘頓出色留放下打開勝門；質新馬開竅後持續進步，有力再斬四両。
第四場、第四班、一二○○米。「天地人」B布中短途尺寸馬季內九戰，頭八仗雖不上名卻四度跑入殿軍，翻看前仗配潘明輝執韁，檔位內移至七檔，本有問鼎之力，可惜起步失機，出閘後又被碰撞至失平衡，沿途被動在後，結果仍能在不利追的場合後上跑第四；復課後有三個禮拜時間再作打磨，練者搵到潘頓操刀跑同程，變得快閘一早守好位，終於首次殺入三甲跑入亞席；拚後備戰仍見充份，今次趁勇續爭此程必全力求勝。
第五場、第四班、一二○○米。「健康在望」最近一連四場皆角逐谷草短途賽，先前兩場是一千米，近兩仗是出戰千二共得一冠兩季；上賽配田泰安再來，可惜力戰僅負只跑第三；細粒仔復課出跳勇況未減，今仗養精蓄銳再臨，時刻盯實動向。
第六場、第三班、一二○○米。「載譽歸來」前仗插班出爭谷草千二，賽前出試的所有大閘工夫俱由潘頓一手包辦，結果陣上排三檔快閘守好位，入彎再加速走甩打開勝門；上仗轉爭田草千二，排外檔仍用均速前領跑法放入亞席，只負於「勝得精彩」非戰之罪；拚後加一分今仗回師窄場千二勝途，對手非強有力添食。
第七場、第三班、一八○○米。「與龍共舞」何廄中長途佳駟，季內七戰就配韋達表現最好，四戰獲兩冠一殿一第五，當中第二W初跑田草千八，雖然增添難度，惟贏馬姿態比贏前仗谷草一哩表現更從容。至於韋達掛靴後，上月尾縮爭田草一哩，配蘇狄雄發揮強差人意，入彎慳位打衝鋒卻喺終點前窒步收慢之下一位不保；今次復爭谷草千八，早前見何澤堯為牠親試力貫四肢，馬匹尚在不斷進步，今賽捲土重來必定搏盡打翻身仗。
第八場、第三班、一○○○米。「衝亞」羅廄早熟快馬，季內四戰全攻谷草一千米，頭兩仗排外檔配田泰安搶放皆未能埋尾；前仗易配黃俊減磅，再配合檔位內移之利即輕鬆擊敗「阿凡達」及「旅遊拿督」；上仗續攻此程，排內檔形勢依然有利，縱多負十三磅，但沒有太多強手加入下，結果再次按韁輕鬆放返，輕勝對手兩個馬位；今次升班瞄準強項孭輕磅有利，交出一貫水準可坐位望贏。