■林芊妤香港文匯報訊 林芊妤(Coffee)半年前誕下兒子翟德彥後，正式升呢做媽媽，今年首次慶祝母親節，她卻大擺烏龍，Coffee笑道：「本來我約老公請媽咪食飯，後來醒起自己都係阿媽喎，咪叫老公請晒我們母女食飯囉！」
日前Coffee應香港開電視節目主持馬梓軒邀請示範「媽媽瑜伽」，事關不少靚媽生育後都有難收身的問題，而Coffee產後極速恢復，全拜勤做瑜伽所賜，她舉起兒子笑說：「我仲有呢隻12磅人肉啞鈴哩，湊佢真係好辛苦！」
問Coffee會否追多1個囡囡？她笑言要問准兒子先，並謂：「𠵱家阿仔係全家人焦點，佢實在佔咗我太多時間，半夜都要『放題』餵奶，仲邊有時間生產！」不過Coffee最愛女兒，等時機適合就會努力造人。