■黃翠如透露與蕭正楠在峇里補辦婚禮時的點滴。香港文匯報訊 （記者 梁靜儀）黃翠如與伍樂怡昨日到將軍澳出席活動，剛於上月在峇里和蕭正楠補辦婚禮的翠如，春風滿面接受訪問，她表示婚禮用了短短一個月時間籌備，連同他們、雙方家人及伴郎伴娘只有十五人出席，朋友也沒有邀請，因為想盡量簡單，亦不想驚動傳媒朋友。
去年與蕭正楠(Edwin)已在外地註冊的翠如，表示今次的儀式純粹為了家人，翠如說：「每個父母都想個女正式嫁出去，儀式純粹為家人，地點係我揀，想方便家人的地方，唔好咁長機程。」談到婚禮的難忘事？翠如說：「爸爸拖住我進場交畀Edwin，我第一次見爸爸喊，爸爸話覺得自己照顧得個女唔夠好，叫Edwin要好好照顧我，我覺得佢好sweet，因為我爸爸是好錫女的人。(Edwin有何反應？)佢係第一個喊，我望到都想喊，其實我們已經結了婚，冇諗過佢會喊，我妹妹都有喊。」
蕭正楠結咗婚更聽話
問到Edwin可有愛的承諾？翠如指老公每次都說會好好照顧她，會聽她話，而他婚後比婚前更聽話：「佢表現比我好，佢出埠做完嘢返嚟，第一時間就會幫我抹車，同埋幾乎每日都幫我吹頭，好多小事都好感動。」
翠如又稱返港後不會補擺喜酒了，因已收到大家的祝福，不想浪費大家的精力出席婚宴。問到可有趁在峇里「造人」？她笑說：「未呀，我們喺峇里五日，行禮之後飛了去日本旅行，再去馬來西亞探朋友。(當度蜜月？）老公話蜜月在大埔搞，我冇所謂，因為逢放假都去旅行，唔使強調是度蜜月。」