■黃翠如即場大派囍餅卡。香港文匯報訊（記者 梁靜儀）黃翠如、陳自瑤及糖妹等前晚為汪明荃（阿姐）、森美及蘇永康等主持的遊戲節目《娛樂大家》進行錄影。剛於峇里舉行婚禮的翠如更即場大派囍餅卡，分享新婚喜悅。
翠如大派囍餅卡，她透露餅卡上的蘋果樹圖案，乃由老公蕭正楠（Edwin）一手一腳設計，問到她是否很欣賞老公的設計構思？翠如說：「好過冇，簡簡單單幾好，蘋果樹圖案係我哋愛情由來，別具意義。（明年利是封都係用蘋果樹？）好提議，（仲沉醉緊新婚喜悅？）佢已經投入咗另一角色，只可以我自己繼續玩，不過我都傾緊一個旅遊節目，如果成事就會同洪永城一齊去，都幾耐冇同佢一齊做節目。」
汪阿姐早知婷婷生B
梳了春麗頭配上黃色裙的阿姐，擺出多個可愛甫士，十分嬌俏。談到契女謝婷婷前日突然在社交平台宣佈已為人母，誕下了一名B女，榮升契婆的阿姐說：「婷婷有話畀我知，但冇畀相我睇，都想睇吓BB，睇佢幾時回來，都好耐冇見佢，因為佢唔喺香港，（欣宜就近期見過婷婷？）她們都老友。」問到是否之前已經知道婷婷生B？她承認早知此事：「之前已經知道，都有點意外驚喜，不過始終咁大個，佢一向都有拍拖。（但婷婷冇公開戀情？) 這些好私人唔使公開。（你比四哥更早知道？）我同契女幾close，年輕人處理有自己一套，都恭喜佢。」問到會送什麼禮物給契孫女？阿姐稱還未想到，多數會送金手鏈或金器。
阿姐昨晚再為遊戲節目《娛樂大家》錄影時，表示自己沒有搵婷婷，對方自從向她報喜後就沒有再聯絡。對於有指BB女生父是婷婷溫哥華的同學？阿姐說：「 唔知喎，佢冇講我唔夠膽問喇，佢一向有拍拖，但冇見過佢男朋友，（傳聞男方家境富裕？）哦， 最緊要佢開心啫，錢唔係大問題，最緊要個人，亦都冇因為呢件事同四哥（謝賢）聯絡，自己唔係八卦嘅人。」