■家輝(右)經常叫古仔(左)小心身體，要做身體檢查。香港文匯報訊（記者 梁靜儀）梁家輝、古天樂（古仔）及林家棟主演的電影《追龍II：賊王》前晚於九展舉行首映禮，主角之一的任達華因有工作未能出席，而當晚出席捧場的有陳慎之、余安安、唐詩詠及陳煒等。家輝曾催古仔和家棟快結婚，對此，家棟聞言就笑稱自己跟古仔共通點是放生自己，古仔更直言：「感情啲嘢邊個都唔聽。」
大會送上榴槤給眾演員及兩位導演，家輝笑問：「邊個安排未熟嘅榴槤，原本諗住空手劈，但生成咁？」影相時，企在王晶身後的他又作狀將榴槤扑落對方的頭上，十分搞笑。
三位主角在台上又分享相隔十四年再度合作的感受，家輝笑說：「古仔現在係『影壇大亨』，黃秋生係咁樣講，十四年後再合作好難得，雖然好辛苦，但最辛苦係古仔有幾組戲在身要周圍走，而家棟既做製片又做編劇。我比較舒服，係退休人士，雖然拍戲好辛苦，但非常開心。」
家棟稱不結婚是愛惜自己
之後三人一起接受訪問，因演出該片要不停吃榴槤的家輝，被問到再見到榴槤可會被嚇怕？他笑說：「唔驚，同古仔、家棟再度合作好開心，佢哋都係獨當一面，能一齊工作機會唔多，當然想再合作，但我係退休人士。」笑問到該片是否其退休之作？他即說：「我係退休，但唔會退役，只要觀眾、導演、拍檔對我有諗法，我會做到最後一部為止，希望呢部係好耐之後嘅事。（叫古仔同家棟關照？）古仔關照咗好多人，我唔使佢關照，只要佢想起我就得。」
古仔自言是工作狂，故演出該片不感到辛苦，反而家輝經常叫他小心身體要做身體檢查。說到家輝曾叫他和家棟快些結婚，旁邊的家輝即說：「唔好喺囧潃茩惚e講呢啲，好尷尬，每人選擇條路都唔一樣，喺我立場、身份同年紀鼓勵佢哋成家立室，想佢哋有完美人生，不過唔拍拖、結婚同生仔唔等於冇完美人生，點講得埋！」
家棟聞言就笑稱自己跟古仔共通點是放生自己，已婚的家輝就反駁說：「我無話自己行入死路。」問到古仔可會聽從家輝的說話？他說：「聽聽聽，但感情啲嘢邊個都唔聽。」更笑言人要愛惜自己，不結婚是愛惜的表現。問到是否曾受過情傷？他笑說：「直情內傷！」
李兆基喪禮採基督教儀式
另外，談到日前因病離世的李兆基（基哥）的身後事進展，身為演藝人協會會長的古仔表示自己剛回港，而基哥因為剛結婚，會跟對方的太太了解有何需要幫助。
而基哥生前的好友陳慎芝，表示跟基哥的太太一直保持聯絡，待取得死亡證後就會辦事，他說：「基哥雖然樣惡，但心地善良，係可愛嘅惡人。」談到可有安慰基嫂？他謂讓對方靜下：「因為基哥兩年前已開始病，大家都已有心理準備，我探基哥時都同佢講『你要走就走，唔好辛苦！』人人都會一死好公平，最緊要活得精彩，基哥活得好精彩，唔係道友、壞人，係可愛嘅惡人。」他又指基哥臨終前雖未受洗，但仍可以基督教儀式出殯。