第四場、第四班、一四○○米（草地）。好多馬迷認知中，三歲北半球未出賽自購新馬，季尾一定係跑新馬賽事，但原來賽事規例係容許呢類三歲北半球馬，係可以跑四班賽，仲有五磅分齡讓磅減，所以今場蔡廄三歲法國PPG「連連行運」，已經係評五十七分減五磅即係將負一二一磅跑。查晒數據佢係歷來第一匹相同個案馬季尾插四班角逐，翻查呢匹「劍追風」、「步履娛飛」同父馬，早前試幾次閘都追得接近，係咪蔡約翰為爭冠軍但新馬賽路程唔啱，逼住安排「連連行運」跑四班千四趕住爭取頭馬，估計可信成數較高，屆時大家不妨多加留意動態。
第八場、第三班、一二○○米（草地）。田北俊女兒田啓安與丈夫鄭宇聯名擁有的「忠心勇士」，這匹栗色Sebring子嗣台型俊俏，母系與前澳洲一哩王「志在贏」為全兄妹，同母兄長更為曾勝出澳洲二級賽皇治錦標的「川河達駒」；「忠心勇士」今季出道至今於新馬賽兩戰兩勝，插班評分高達七十五分，比「好爸爸」及「巴基之星」兩匹一級賽盟主插班時還要高；今次對手中贏過同班同程者並不多，故此「忠心勇士」勝望實在高唱入雲。