■黎諾懿(右)昨日接受家燕姐訪問。香港文匯報訊（記者 梁靜儀）黎諾懿昨日到新城電台接受薛家燕節目訪問，並為其主持的綜藝節目《懿想得到》宣傳，擔任節目其中一位嘉賓的家燕姐就表示要投訴，她在日本浸溫泉的片段，因為打格仔引起網民不滿，質問「點解打格仔？」諾懿就笑指因怕家燕姐覺得太大膽打了格仔，沒想到個格仔效果如此震撼。
對於引起網民不滿，諾懿為此作出道歉：「對唔住網民，我唔知大家咁想睇，到今日至錯呢一步，一陣會見到導演，答應大家有個冇修改嘅版本。」家燕姐笑指就當是她入行六十年來的一個「貢獻」，諾懿笑說：「我現在先知，原來家燕姐想露，畀觀眾睇完美一面，我哋一直都想保護你，但原來你有呢個癖好，第二輯同你浸畀你大膽啲，對唔住，我唔應該打格仔。」
家燕姐指當時是清場拍攝，工作人員都是女性。問到家燕姐事前女兒石祐珊（珊珊）可知情？她說：「珊珊雖然係經理人，但畀我好大自由度，不過冇格仔版要send畀珊珊睇咗先，佢話OK就可以放喺最後一集出Roller播。（最大性感尺度係咩？）有時藝人到咁上下地位，就要同觀眾有啲交代。」諾懿笑言很多謝家燕姐為節目赤裸裸。
說到節目中另一位嘉賓李佳芯大讚整個行程有九十九分時，令他感動到有想喊的衝動，更說他若能喊出來就給予多一分，結果他秒速落淚，諾懿笑說：「太靚仔人哋覺得我係偶像派，我好希望大家知我係實力派，我喊都有一手，個人好感性。（用眼淚打動家燕姐浸溫泉？）唔使。」家燕即說：「我自動獻身！」