■任達華、羅仲謙、梁詠、楊采妮、郭晉安及袁澧林等出席電影《小Q》慈善首映禮。香港文匯報訊（記者 梁靜儀）任達華(華哥)、羅仲謙、梁詠琪(GiGi)、楊采妮、郭晉安及袁澧林等，前晚到沙田出席電影《小Q》慈善首映禮，「女主角」布丁（戲中導盲犬小Q）及原著日本小說《再見了，可魯》作者秋原良平及石黑謙吾亦有到場支持。
首映禮上布丁不斷吻華哥，搞到他滿面狗口水。華哥表示很開心見返布丁，打算過幾年布丁退休後收養牠。談到愛女任晴佳（Ella）近日為雜誌拍照大騷長腿，華哥大讚說：「佢個(身形)比例真係好似媽咪，條腿長過我。」對於Ella開了微博吸納粉絲？他表示：「好似係，了解吓先，要開工未有時間同佢傾偈。」他又稱暫時也不鼓勵女兒拍戲或行catwalk，女仔捱更抵夜太辛苦了，又沒覺得，自己拍了幾十年，自私地想她在自己身邊，可以成日見到。不過幫雜誌做模特兒影靚相也是一個磨練， 實在不捨得她辛苦，所有父母都愛錫子女，若她大個後自己選擇做這行都會支持，但現在讀書為主。前晚琦琦亦有偕同Ella現身，但因現場嘉賓眾多，二人即移步往戲院。
梁詠琪睇試片爆喊
羅仲謙在戲中飾演導盲犬訓練員，他表示很鼓勵條件許可的人做導盲犬寄養家庭。 GiGi自爆之前已睇過試片，雖然未有配樂，但已睇到喊了兩次，好激動， 呼籲大家一定要帶紙巾入場。她指影片很有愛，適合一家大細去睇，之後她都會帶女兒入場睇戲：「 個女又鍾意狗，我屋企都有隻七歲狗女，佢同阿女建立深厚友誼，我叫個女要錫同尊重佢，阿女𠵱家會將唔鍾意食的食物畀隻狗食，例如青椒，就會話餵隻狗食。」