張敬軒香港文匯報訊 張敬軒近日破格受邀擔任女性脫毛品牌代言人，並與龔慈恩囡囡林愷鈴（Ashley）一起拍攝微電影《看得見的完美》，以他們飾演兩兄妹的故事，帶出品牌的「完美」主題。
在微電影《看得見的完美》中，軒仔扮演著名形象設計顧問，與剛畢業、同樣是設計師的妹妹林愷鈴，因大家都是「完美」主義者而令工作經常產生摩擦。軒仔坦言，因為要飾演事事嚴謹的哥哥，故戲內大部分時間都要黑口黑面兼毒舌，現場拍攝時心情更要保持沉默：「無論做咩角色，都需要好多energy，尤其呢類歇斯底里角色。其實我同戲裡面最相似嘅地方，係對每件事都好有我嘅堅持同執着，同對我嘅音樂一樣，會看重每個細節都想完美。人成熟咗，反而學識抽身用多個角度去睇每件事。」
林愷鈴搵媽咪教路
雖然軒仔無論戲內戲外都要黑口黑面，但在NG片段中，見到他忘記對白，總忍不住放聲大笑，緩和現場的沉重氣氛，也難怪被「哥哥」不停鬧的Ashley，坦言被軒仔鬧得好開心。林愷鈴說：「自己都好鍾意音樂，一直有留意軒仔嘅作品，可以同佢合作真係好開心，當然希望將來有機會唱到佢嘅作品啦！」
正於大學修讀建築系，幕前演出經驗不算多的Ashley收到微電影劇本後，都有問媽咪龔慈恩意見，她說：「我都有同媽咪分享今次嘅工作，問佢攞啲意見，但媽咪畀我好大自由度，會好放手畀我用自己嘅方法去演繹。其實我覺得自己同角色性格有啲似，都有硬頸嘅一面，但正如微電影裡面嘅故事，無論兩兄妹點鬧交，彼此都係咁愛大家，係一份好可珍貴嘅感情。」