■蔡一傑香港文匯報訊（記者 植植）組合「草蜢」成員蔡一傑的夢想是舉行個人音樂會，入行34年的他終於如願以償，10月26-28日在灣仔伊館舉行首次個人音樂會「Remus Choy Onederful Live Show 2019」。早前傑仔為音樂會海報影靚相，穿上白色型仔西裝的他心情興奮。
他表示年初已開始籌備音樂會，除了個人心水作品，還會唱其他歌手的歌曲，而且特別有一個環節專攻女歌手作品。他說：「希望今次音樂會呈現我自己喜歡嘅音樂會，我覺得最頭痛係歌單，年初開始揀歌，到𠵱家都未落實晒，想唱嘅歌太多。雖然有歌迷話想我成個騷都唱自己歌，但我就想有新鮮感，所以一半自己歌一半人哋嘅歌，仲有一Part唱女仔歌。」今次音樂會名為「Onederful」，傑仔透露箇中玄機：「今次係我第一次一個人開音樂會、我嘅第一首日語歌叫《One》、我個名又有個『一』字，所以就設計咗『Onederful』呢個字！」