香港文匯報訊（記者 梁靜儀）王梓軒的新歌《安全着陸》，今次更首次與林愷鈴（Ashley）合唱，並將歌曲由獨唱版改為合唱。
王梓軒表示《安全着陸》其實是《引力三部曲》的第三部，而Ashley 更是頭兩部曲《寄居太虛》同《邊緣引力》的MV女主角，梓軒稱一直有留意Ashley的演出，於是搵機會跟她合唱：「Ashley好得意，她會拍些音樂片，而今次對佢來講係好大壓力，因為要坐櫈，佢平時都係坐地下、攤喺梳化。」Ashley亦很開心可以與梓軒再合作，更笑說：「成件事都好pro，平時喺屋企我都係擺部電話，彈一次就擺上網。」梓軒搞笑說：「即係好勁啦！」她立即推說：「 No！唔係，我意思係平時好低成本好隨意咁拍。」
梓軒大讚Ashley隨意拍已經如此動聽，所以Ashely 一說唱歌，他即說好，並呷醋說：「佢同咁多人唱歌都未同我唱，有少少呷醋，有少少嬲呀！佢冇忘記唱歌嘅初心，仍然會勤於練習，喺囧迨W見到以前自己嗰團火！」Ashley表示跟梓軒合作學到好多東西，尤其是唱歌方法，令她獲益良多。梓軒笑指Ashley是揞住良心，但也大讚Ashley好認真，唱live也不俗，所以已推薦對方跟他合作演出一齣歌舞劇。