香港文匯報訊 泳兒、林欣彤及洪嘉豪昨日於紅磡出席「小網紅大賽2019總決賽暨頒獎禮」，各人 上台為各參賽者打氣，並且在比賽期間上台獻唱，紓緩一眾小朋友的緊張心情。泳兒、林欣彤及洪嘉豪分別表示他們都有不少的拍片經驗，由「拍片初哥」變到「吸睛網紅」都需要經過一段長時間的練習。
泳兒透露有意向旅遊達人方向發展，昨日已發佈第一集新加坡美食團。說做旅遊達人不簡單，泳兒表示自己一個人比較悶，因為唔多嘢講，希望下次有朋友一齊拍，不過拍嘢係可以長知識。記者笑言泳兒可叫男友粉墨登場？她說：「如果咁啱同步一齊都可以，之前試過去澳洲，佢幫我拍，但佢好辛苦，好躁，之後我再叫佢，佢就say no，佢覺得去旅行係玩，唔要做嘢。不過男友影相好靚，試過在家為我拍過一輯性感美照，贏得不少likes，有啲人做網紅行性感，我決定做旅遊。」