■陳健安香港文匯報訊 歌手陳健安 (On仔) 首張個人專輯《本原》，終於隆重登場。說是期待已久，事關On仔早在個多月前已預告在健身房日操夜操，就是要在拍攝新唱片封面時「把優點露出來」，赤裸上身大派福利，所以大家自然引頸以待。
On仔說：「今次特別搵來一個台灣的女攝影師，她之前拍過很多女生的照片，我都覺得好靚，而我亦特別擺出很多平時做瑜伽的姿勢，佢都覺得很靚。今次封面概念，由本原出發，將一些自然生物，用投影機投射落我身上，合成後的畫面好有視覺衝擊力。」
不過對粉絲眼球最大的視覺衝擊，當然就是On仔苦練而成的一身肌肉啦，對此On仔也不免有點靦腆地說：「今次我真係花了唔少時間努力 keep fit，希望 keep 到最 fit 畀大家睇。但始終同攝影師第一次見面，認識唔夠 2 小時就要在佢面前除衫，感覺真係比較特別，不過拍攝過程中攝影師都十分細心體貼，我從來冇想過攝影師都可以講嘢咁溫柔，令我完全沒有壓力。到拍完兩套衫，佢就話：『要脫囉』，過程好自然，佢之後都話：『你身材挺好的』，證明我的努力沒有白費。」