■鄧小巧香港文匯報訊 （記者 梁靜儀）鄧小巧昨日到電台宣傳十二月於旺角麥花臣舉行的演唱會，並透露個唱門票銷量理想。小巧表示門票昨日公開發售，笑言心情好像睇股市般刺激，但開心門票銷售理想：「都幾滿意。（會加場？）睇反應稍後決定，都可以加場。」問到成績好會唔會慶祝？小巧坦言一定會獎勵自己：「我成日食好嘢㗎啦。（唔使減肥？）都會做運動，大部分時間都係乖，如果好成績都會飲香檳慶祝。」
講到演唱會籌備情況，她透露已落實歌曲，現時處理改編工作，月底就會排舞。笑問到可擔心跳舞部分會成為演唱會的污點？她笑說：「又未去到污點，我都有學過跳舞，本身都鍾意跳舞，覺得唱快歌唔郁會好尷尬，同埋我之前拍MV都有跳過現代舞打筋斗，但到時跳舞係會重新編排，唔知會唔會打筋斗。」