■黃庭鋒認為拍劇可以嘗試做另一個人的人生。本是體育老師的黃庭鋒（Telford）遠看樣子有點像年輕時的郭富城，近看更像謝霆鋒，故有「TVB謝霆鋒」之稱。入行4年多，曾在Now TV做兼職體育主持，兩年前過檔TVB，當時正值巴西夏季奧林匹克運動會，所以那時剛加入TVB的Telford獲安排參與奧運節目，並繼續做體育節目主持。放棄當老師，成為全職藝人，Telford表示當時內心都有掙扎過，但也希望博一博，令自己不後悔。
堪稱十項全能，曾到日本留學的Telford，能操四種語言，包括日語、英語、廣東話與普通話。Telford小時候與張曦雯、文詠珊是幼稚園同學。中學時，Telford就讀英國的Old Swinford Hospital，去到高中時期，他是學校足球隊內唯一一位亞洲球員，更去過阿根廷與智利踢校際賽，奪得MVP（最有價值球員）獎。他原本有機會去英國的阿士東維拉與狼隊青年軍試腳，有機會成為職業球員，但因撞正考試而被迫放棄。
獲陳芷菁引薦入TVB
回到香港，Telford在中文大學修讀體育文學碩士課程畢業，又在國際學校做體育老師，明明收入穩定，記者好好奇為何Telford會在26歲時放棄安穩收入，全職做藝人？ 他說： 「之前做兼職體育主持，又可以繼續做老師，自己都做得好開心。直到有一日，咁啱我其中一個學生家長就係陳芷菁，佢個女畢業嗰日，同佢傾開佢知我有做開兼職做主持，就問我有冇興趣轉做全職藝人，介紹我入TVB。在過程中，我內心有掙扎過，始終我都26歲，又唔係真係好後生。但我內心亦好鍾意做呢行，覺得每日都好多挑戰，所以決定由零開始，轉做全職藝人。最少試過、做過自己唔會後悔。」
Telford入TVB後，機會不斷，又拍劇又做主持，近日晚晚10點半在節目《長命不老》中，跟黎諾懿、麥美恩、鄧佩儀、戴祖儀、許文軒等分別就不同健康問題作出報道和追訪，透過介紹一些方法或者小秘訣，希望令大家能夠保持身體健康。
他說：「拍《長命不老》同戴祖儀去台灣，試咗好多療法，有刀療、電鑽療、電療等，之後又去做穴位按摩，好多嘢都好痛，為咗呢個節目我們真係豁出去。好多謝公司畀了我好多機會，又做主持，又拍劇真係擴闊了我的人生。好多人都問我喜歡拍劇定做主持人，真係好難選擇，可唔可以貪心一點兩樣都選？如果只可做一樣，咁我會選擇拍劇，始終拍劇可以嘗試做另一個人的人生。像去年我拍《救妻同學會》演『賤佬』張梓健，劇中有個仔，現實中沒有可能。我最想演動作片或武術片，之前拍《飛虎之雷霆極戰》都好開心。現在我演的角色很多都與自己的性格有些相似，例如在《救妻同學會》的賤佬其中有一個特點就是對自己的工作有很堅持的態度，所以有機會的話想演一些與自己性格相反的角色。」
採訪：植毅儀
服裝：HARRISON WONG
Hair： Ilcolpo @ Chris Cheng
Makeup：Annie G Rainbow Chung