■黎諾懿同黃智雯因出Trip成好友。香港文匯報訊（記者 梁靜儀）黎諾懿、黃智雯(Mandy)、吳業坤、姜麗文、袁文傑、樊亦敏、朱咪咪及馬海倫等，昨日出席《街坊財爺》之「畢業典禮」宣傳活動，現場眾人分組玩遊戲測試是否數口精，並獲頒授四方帽。
諾懿與Mandy表示日前去了新加坡為TVB的手機程式做宣傳，同行的還有馬國明及朱晨麗，回程時大家在機上摸酒杯底談心及傾圈內的八卦事，十分開心，諾懿笑說：「難得四個人都合嘴形，我和馬國明係『奧運六星』年代，但同朱晨麗就未合作過，唔知點解會咁好傾，好期待呢個組合下次再有機會宣傳，今次有相逢恨晚感覺。」
Mandy笑指諾懿全程機四個鐘沒停過嘴，問到在家中是不是不可說話？他解釋：「我平時唔可以在屋企亂講話，說話要小心，因為驚兒子學我，會畀老婆鬧，家規好嚴。」
Mandy自言飲三分一杯酒已面紅耳熱，有點醉意就唔飲，所以從來未試過飲醉，她笑說：「我怕自己會失控，亂講嘢同會打人，有次同杏兒及定欣飲多了，我變成MMA女子搏擊，好high，唔知再醉多點，自己會做咩。」諾懿指已相約大家到他家再飲酒傾偈，更笑言有「社監」(指其太太)睇住會沒事的。