■湯洛雯再重申與劉愷威冇聯絡。香港文匯報訊（記者 梁靜儀）湯洛雯（靚湯）與馮盈盈昨日到將軍澳電視城出席 myTV SUPER 18台開台滿月慶祝儀式。
靚湯表示之前入馬場拍新春節目，沒聽信某堪輿學家的貼士下注，買了另一隻自己喜歡的馬匹獨贏，結果投注一百元贏了一千元。問到會否趁機認識馬主？靚湯笑言想認識馬匹多些，因她跟高海寧及莊思明都有興趣去學騎馬，對將來拍古裝也有用處。
靚湯又表示還有個多星期才開拍新劇《失憶24小時》，說到她近日與劉愷威傳緋聞，問會否趁開工前與追求者約會？她卻大呻擔心太多緋聞嚇怕追求者：「件事太荒謬喇，我哋冇聯絡，大家要寫我單身，（舊愛羅天宇祝福你？）佢私下唔祝福我！都唔係真嘅，點會祝福我呢？（冇機會復合？）冇可能啦，我哋變咗好似親人咁嘅感覺。」
盈盈情侶檔健身有成果
盈盈自言有博彩運，小時候幫爸爸揀馬命中率甚高，但長大後自己投注時卻輸錢，她笑說：「讀大學時喺馬會做兼職，所以開咗個戶口，初時都贏，但喺邊度賺錢就邊度輸返晒，試過投注戶口輸剩十蚊。」
談到她近日在社交網站分享「事業線」，她笑說：「唔講事業線住，最重要係操出腹肌線條，我同男友寶寶近日好努力一齊做gym，佢現在操到有少少腹肌同老鼠仔，我哋經常喺屋企塊鏡前擺甫士扮model影相，（有冇着衫？）有啲啦。」問到男友可知她騷事業線？盈盈坦白說：「當然唔知啦，冇問過佢，但佢好讚賞話我好勁，做咗運動後唔似以前郁啲就攰，現在我可以搬重嘢。」
盈盈與男友同居後，經常大呻都要做家務，昨日她開心透露最近終於請了「鐘點姐姐」幫手，每逢周末會到屋企清潔，所以她一定要擇日子煮飯：「如果星期一煮，碗碟就要等到星期六、日才有人洗，星期一煮完之後就要食外賣，所以一定要揀星期四、五至好煮，最近都發現屋企有蟻，要努力滅蟲。」