■黃妍為首個音樂會綵排。香港文匯報訊（記者 叮噹）歌手黃妍 (Cath）下星期一開騷，昨日她已作最後綵排。Cath坦言心情緊張，她說：「其實現在都已經入直路，因為早前九月初我去咗半個月台灣做大碟宣傳，返到嚟就驚覺原來仲有半個多月就開騷，所以我決定去閉關，等自己可以再專心啲。」Cath的閉關消息一出，她的朋友們都乖乖聽話，不敢聯絡她，反而令Cath哭笑不得，她說：「其實我有時都會想搵個人同我傾吓偈㗎嘛，唔知點解我啲朋友今次都非常咁配合，平日又唔見佢哋咁聽話喎！諗返起其實都幾搞笑。」
而緊張的不單止是Cath本人，還有Cath的媽媽，Cath 說：「因為我早排病咗，喉嚨發炎，我媽知道我concert 嚟緊，佢都好緊張，同埋佢又想幫我補下，所以佢呢排成日都會煲啲唔同嘅湯水畀我，仲老遠由屋企拎出嚟畀我，而佢有時又會等埋我收工，接我一齊食飯飲湯，其實都幾warm 。」