■王梓軒（右）到舊拍檔家中錄音。香港文匯報訊 王梓軒上月為年尾舉行的十周年演唱會錄製主題曲《多得你》，並遠赴美國找他的戰友唐達（Tat）錄音，梓軒話：「我十周年，梗係要搵返day one嘅時候，第一個合作嘅人去做歌！」
梓軒與Tat相識十多年，以往錄歌時，梓軒都會飛到Tat新加坡的home studio錄歌。而今次梓軒專程到Tat的美國家中錄音，為了令首歌更豐富，梓軒更請來好朋友Pablo一齊唱和音，三位三把聲，經過幾十次錄音後，成功變成數十把聲，梓軒話：「我哋中午12點開始錄，錄到黃昏6點，我好少一次過錄6個鐘，但係因為大家都冇時間，所以一日要搞掂，唐達係我大學同學，亦係我師兄，我哋第一次合作除咗係acappella (清唱樂團）外，佢第一張專輯，我都喺入面唱過歌，隻碟個封面仲好搞笑。」
梓軒續指，讀書時期的唐達已經自己mixing音樂，做埋監製，大家都知道Tat是未來之星，Tat在2016年更成功在新加坡詞曲版權協會奪得海外成就獎。梓軒說：「佢畢業冇幾耐就開始寫歌，我係佢第一個合寫同製作歌曲嘅拍檔，我四隻碟好多歌都係佢做，中間有段時間各有各發展。我十周年，今次搵佢編呢首歌，仲喺坅峊蠵浜I，好窩心，我哋都係have fun，做返我哋鍾意嘅聲音，今次加州之旅終於可以同我兄弟重聚。」