■張兆輝、王浩信及導演等預祝票房收得。香港文匯報訊 張兆輝（輝哥）、張家輝、王浩信及三位導演黎兆鈞、施柏林、劉永泰日前到廣州出席電影《催眠．裁決》見面會及謝票。
三位型男來到羊城宣傳，大受影迷歡迎，現場迫得水洩不通，有不少粉絲高呼「我要被催眠」，令現場氣氛升溫。
今次輝哥飾演一個亦正亦邪嘅老差骨，輝哥話：「其實呢個鄧Sir（輝哥飾演）係好精靈，好鍾意接受挑戰，因為家輝喺戲內係一個催眠師，家輝以為可以控制我，所以呢......要去戲院睇喇！（最難忘係邊場戲？）有一場自己坐喺架車入面同自己做戲，嗰場有啲難度，（要）做到被催眠後嘅混亂狀態......」
當晚電影公司原先安排見面會後，只得一場謝票場，但輝哥有不少粉絲遠道而來，買不到謝票場門票，粉絲們唯有向偶像求救。錫粉絲的輝哥，為免令粉絲們失望，隨即向宣傳方提出加開一場謝票，輝哥話：「粉絲喺咁遠嚟支持我，我當然唔想佢哋失望，我唔介意謝多一場，宣傳方亦都好多謝我，因為佢哋原本都想加開多一場，但怕演員個期唔得，所以唔敢講。」當晚加開那場謝票場，門票亦火速售罄，全院滿座，有粉絲為答謝輝哥，更買了一大盒咖啡送贈偶像。