■一臉憔悴的陳偉琪接受訪問時哽咽。香港文匯報訊（記者 梁靜儀）無綫女藝員陳偉琪 (Vicky)上周五涉酒後駕駛被捕，酒精呼氣測試超標兩倍多，其後獲准保釋候查，事後Vicky於社交網發文道歉：「對不起，我做錯了！」事發後有傳因她形象受損，會被飛出處境劇《愛．回家之開心速遞》及遭無綫雪藏。昨日Vicky首度現身回應傳聞，其間更一度落淚，並承諾以後不會再犯。
一臉憔悴的Vicky接受傳媒訪問時哽咽說：「呢兩日都喺屋企反省，我真係做咗個好蠢的抉擇，呢件事不單影響我或者屋企，仲有公司同劇組，要同佢哋講聲對唔住，同埋支持我的人，我知大家都失望，出事後我先發現好多人支持同關心我，包括珍姐(曾勵珍)同監製，佢哋不單畀好多意見我應該點做，好關心我，同埋好多《愛回家》同事，佢哋都有打畀我，大家都好保護我，我都知影響咗鄭世豪、林淑敏同許家傑，佢哋收好多電話，亦好多謝傳媒報道都係正面。」她承認當晚做了一個好蠢的決定，並承諾以後不會再犯。
呂慧儀有意買樓自住
昨日有份拍攝《愛回家》的呂慧儀，表示也是睇報道才知Vicky涉醉駕被拘捕，昨日返工才見到對方，仍未有時間跟對方傾偈，但私下會問候她，相信對方會處理，自己不便回應太多。講到她前晚在社交網上自爆於家中暈倒，她表示因為夜了食晚飯肚餓，及幫兒子收拾玩具所致，她笑說：「原本要開工，但後來取消咗，就幫『老闆』(指兒子)執玩具，現今的小朋友太幸福好多玩具，執咗成日，我都感覺到自己就嚟暈，諗住行返去張床度，點知差一步就暈低，仲撞到隻手，個仔見到我暈就不停用音波功叫媽咪、媽咪，叫醒我。」她又指經過今次事件後都教導兒子，若再發生同類事件要打給住在附近的婆婆幫手。另外，談到她被拍到睇屯門千呎豪宅新樓盤，她笑說：「睇吓，我媽咪鍾意睇樓，佢投資叻，佢係我的財爺，負責管數。」她承認有意買樓自住，因租樓不穩陣。