■戴祖儀香港文匯報訊（記者 梁靜儀）歌手戴祖儀出道以來除了唱歌，更經常有份主持綜藝節目，近期就有機會夥拍汪明荃主持遊戲節目《娛樂大家》，因一把卡通聲而被觀眾留意。
被指卡通聲的祖儀，笑言因此令大家留意她，都是個好開始：「我好適合為卡通人物配音，因為我可以自己同自己講嘢，朋友話我流落荒島都可以生存十年，好多朋友都因為咁而鍾意同我傾偈，培養出我開心性格。」她又稱不會擔心因此而影響了唱歌，反而發掘到不同的自己，有開心或想善感一面，現時正在學習將不同性格融入歌中。她透露有份為台慶劇《多功能老婆》唱插曲，新歌年底便推出。
性格開朗的她直言很少會喊，但都會定期讓自己嚎哭一次發洩情緒：「通常半年喊一次，將谷埋喺心裡面嘅事一次過清理，畀自己發洩，初入行時因為唔識處理自己嘅情感，會有覺唔開心，現在過咗一年識調節，又返番去開心嘅狀態。」